მაშინ, როცა საზოგადოების ნაწილს მიაჩნია, რომ უეინ რუნი "ოლდ ტრაფორდზე" აღარ უნდა თამაშობდეს, მისი ექვსი წლის ვაჟი კაი კლუბის ახალგაზრდულ აკადემიაში ჩაირიცხა, რაც იმას ნიშნავს, რომ "ოცნებების თეატრი" რუნის გვარს კვლავ დიდხანს იხილავს.

კაი რუნი უკვე რამდენიმე ხანია ვარჯიშობს "იუნაიტედის" აკადემიაში თანატოლებთან ერთად, რომელთა შორის ჯეისი კერიკი, "იუნაიტედის" ვეტერანი ფეხბურთელის შთამომავალიც ირიცხება.

რუნის პირველი ვაჟისთვის უცხო არ არის ყურადღების ცენტრში ყოფნა. იგი არაერთხელ ყოფილა მამის თანმხლები "იუნაიტედისა" და ინგლისის ნაკრების მატჩების დროს. ახლა კი რუნი-უმცროსი ფეხბურთში დამოუკიდებელი ნაბიჯების გადადგმას იწყებს.

"როგორც ჩანს, რუნისა და კერიკის შვილებს ძალიან მოსწონთ, საბავშვო გუნდთან ერთად ხშირად დადიან სავარჯიშოდ. ცოტა სასაცილოც კია, რადგან მათი მამები ხშირად ვეღარ თამაშობენ, ისინი კი კლუბის ვარკსვლავებად შეიძლება იქცნენ", - წერს The Sun