გუშინ მსოფლიო ჩემპიონატის საკვალიფიკაციო ეტაპის მესამე ტური შეხვედრაში "უემბლიზე" ინგლისის ნაკრებმა მალტას უმასპინძლა, სადაც ჯესი ლინგარდის დებიუტი შედგა. 1992 წლის შემდეგ ლინგარდი "იუნაიტედის" აკადემიის მე-15 ფეხბურთელია, რომელმაც ინგლისის ეროვნულ ნაკრებში ითამაშა.

23 წლის ფეხბურთელმა, რომელმაც ინგლისის თასისა და სუპერ თასის ფინალებში მოახერხა გოლების გატანა, ეროვნულ ნაკრებში პირველად ითამაშა.

1992 წლიდან მოყოლებული, "იუნაიტედის" აკადემიიდან სულ 15-მა ფეხბურთელმა მოახერხა ინგლისის ეროვნული ნაკრების მაისურის მორგება. ესენი გახლდნენ გარი ნევილი, ფილ ნევილი, პოლ სქოულზი, დევიდ ბექჰემი, ნიკი ბატი, უეს ბრაუნი, კიერან რიჩარდსონი, დენი უელბეკი, ფრეიზერ კემბელი, ტომ ქლევერლი, რაიან შოუკროსი, დენი დრინქუოთერი, ტომ ჰიტონი, მარკუს რეშფორდი და ჯესი ლინგარდი.

იმ შემთხვევაში თუ იტალიასთან მატჩში მაიკლ კინს ვიხილავთ, ეს რიცხვი 16-მდე გაიზრდება.