''ლივერპულის'' ყოფილი და ''სელტიკის'' ამჟამინდელი კოტ დ' ივუარელი ფეხბურთელი კოლო ტურე ''მანჩესტერ იუნაიტედის'' ცენტრალურ მცველ ერიკ ბაიიზე საუბრობს და მისი განცხადებით ის თავის ქვეყნის ღირსეული წარმომადგენელია.

ტურეს თქმით, ერიკ ბაიის წარმატებაში დიდი წვლილი მიუძღვის მშობლიურ ჩემპიონატს.

35 წლის გამოცდილი მოთამაშე, რომელსაც უთამაშია ისეთ გრანდებში, როგორიცაა ''არსენალი'',''მანჩესტერ სიტი'' და ''ლივერპული'', აცხადებს, რომ ერიკი დიდ მწვერვალებზე შეძლებს ასვლას და ამის შესასრულებლად ''იუნაიტედი'' ნათელი გზაა, სადაც უკვე შეიძლება ითქვას იგი რეგულარულად იღებს მატჩებში მონაწილეობას.

''ერიკი ძალიან ნიჭიერი და უდიდესი ტალანტის მქონდე მოთამაშეა. ჩვენ მისით ჯერ კიდევ მაშინ ვამაყობდით, როცა ''ვილიარეალის'' ღირსებას იცავდა და ახლა, როდესაც უკვე ბაიი ინგლისური გრანდის ღირსებას იცავს, ეს ძალიან დიდი სიამაყეა ჩვენი ქვეყნისთვის, მაგრამ მან კიდევ ბევრი უნდა იშრომოს და ითამაშოს, რომ განავითაროს ტალანტი და გახდეს დიდი მოთამაშე''-განაცხადა კოლო ტურემ

ტურე ასევე შეეხო იმ თვისებებს, რომელიც აუცილებლად უნდა გააჩნდეს ცენტრალურ მცველს.

''მე ამჟამად 35 წლის ვარ და გარკვეული გამოცდილება გამაჩნია ფეხბურთელის ამოცნობაში. ბევრჯერ მიფიქრია როგორი იქნებოდა ჩემი კარიერა ყველაფერი ახლიდან რომ დამეწყო. ხშირად მაწუხებდა ამბიცია გავმხდარიყავი საუკეთესო. ეს ამბიცია ჩემი ასაკის ფეხბურთელსაც აწუხებს, ამიტომ ვურჩევ ერიკს გამოიყენოს თავისი ტალანტი, გახდეს მსოფლიოს საუკეთესო მოთამაშე და დატკბეს თავისი მიღწევებით''-დაასრულა აფრიკელმა მცველმა

წყარო: Manutd.com