პედი მაკნეირმა აღნიშნა, რომ ჟოზე მოურინიოს არ სურდა მისი სამუდამოდ გაშვება და მხოლოდ ამის გამო გაანათხოვრა იჯარის წესით.

ლუი ვან გაალის ხელმძღვანელობისას "წითლების" პირველ გუნდში ჩატარებული 27 მატჩის შემდეგ კლუბის აკადემიის აღზრდილი 21 წლის ფეხბურთელი მიმდინარე წლის ზაფხულში "სანდერლენდში" გადავიდა. პედი კლუბთან ერთად წინასასეზონო ტურნეზე იმყოფებოდა, მაგრამ დაბრუნების შემდეგ მოურინიომ აცნობა, რომ იჯარით სხვა გუნდში უნდა გადასულიყო.

"ტურნეზე ვიყავი და შემდეგ მოურინიოს ვესაუბრე. მითხრა, რომ იჯარით ჩემი გასხვისება სურდა.

ტურნეზე ყოფნისას ამაზე ხშირად ვფიქრობდი, ხანდახან კი ევროპის ჩემპიონატზე ყოფნისასაც, იჯარით გადასვლა არასდროს ყოფილა ჩემი სურვილი. თუ გამიშვებდნენ, მუდმივი კონტრაქტით გადასვლას ვამჯობინებდი. მოურინიოს რამდენიმე კვირის განმავლობაში ვესაუბრე და ვარწმუნებდი, მუდმივი კონტრაქტით გავეყიდე.

იჯარით გასხვისებული ბევრი ფეხბურთელი მინახავს, რომლებიც ვერ თამაშობენ. ასეთებს საკუთარ ფეხბურთელებად არ თვლიან. ეს იჯარაა. მე მხოლოდ "სანდერლენდში" გადასვლა და პრემიერ ლიგაში ყოველ კვირას თამაში მინდოდა, მხოლოდ ამაზე ვფიქრობდი. არ ვნანობ", - განაცხადა მაკნეირმა.

მაკნეირმა ასევე აღნიშნა, რომ ვან გაალი მას არასწორ პოზიციაზე ათამაშებდა. "სანდერლენდში" პედი ნახევარდაცვაში ბრწყინავს, ხოლო ჰოლანდიელის გუნდში მას ძირითადად ცენტრალური მცველის როლი ჰქონდა.

"მცველი არ ვარ, არც არასდროს ვყოფილვარ. მხოლოდ რამდენიმეჯერ ვითამაშე. ვან გაალი იქ მათამაშებდა და ბედნიერი ვიყავი მის გუნდში თამაშის გამო, მაგრამ ყოველთვის ვფიქრობდი, "არა, ეს ჩემი პოზიცია არ არის, მე ნახევარმცველი ვარ".

მცველად აღარ ვთამაშობ, დიდი ხანია არ მითამაშია. წამიკითხავს, რომ ხალხი მცველს მიწოდებს, მაგრამ კლუბსა და ნაკრებში ნახევარმცველი ვარ".

წყარო: M.E.N.