პრემიერ ლიგა ნელ-ნელა ხურდება, 7 ტურის შემდეგ სატურნირო ცხრილს 18 ქულით გუარდიოლას "მანჩესტერ სიტი" უდგას. "ტოტენჰემს" ჩემპიონატების ისტორიაში საუკეთესო სტარტი აქვს, გუნდი 17 ქულით მეორე ადგილს იკავებს. აღსანიშნავია, რომ გასულ ტურში პოჩეტინოს გუნდმა "მანჩესტერ სიტის" სეზონის პირველი მარცხი აგემა.

"მანჩესტერ იუნაიტედს" 7 ტურის შემდეგ 13 ქულა აქვს - სამით ნაკლები, ვიდრე შარშან ამ დროს, ლუი ვან გაალის მწვრთნელობისას

Goal.com-მა მიმდინარე სეზონის საუკეთესო გუნდი დაასახელა, სადაც "მანჩესტერ იუნაიტედის" ჰოლანდიელი ფეხბურთელი, დეილი ბლინდი მოხვდა. აღსანიშნავია, რომ სიმბოლურ გუნდში ყველაზე მეტი (4) წარმომადგენელი "ტოტეჰემიდან" მოხვდა.

მიმდინარე სეზონის საუკეთესო თერთმეტეული

მეკარე: უგო ლორისი ("ტოტენჰემი")

მცველები: დეილი ბლინდი ("მანჩესტერ იუნაიტედი"), ლორან კოშელნი ("არსენალი"), ტობი ალდერვეირელდი ("ტოტენჰემი"), კაილ უოლკერი ("ტოტენჰემი")

ნახევარმცველები: ადამ ლალანა ("ლივერპული"), ეტიენ კაპუ ("უოტფორდი"), ჰეუნ-მინ სონი("ტოტენჰემი") კევინ დე ბრუინე ("მანჩესტერ სიტი"), რაჰიმ სტერლინგი ("მანჩესტერ სიტი")

თავდამსხმელები: დიეგო კოშტა ("ჩელსი")