"მანჩესტერ იუნაიტედი" პრემიერ ლიგის მე-7 ტურის შეხვედრაში "სტოკ სიტის" დაუპირისპირდა. როგორც მოსალოდნელი იყო, შეხვედრა მასპინძელთა უპირატესობით დაიწყო, პირველი საგოლე მომენტიც სწორედ "წითელმა ეშმაკებმა" შექმნეს, როდესაც პოგბას გადაცემით იბრაჰიმოვიჩი დასარტყმელ პოზიციაზე გავიდა, თუმცა მას გრანტმა აჯობა. ამ უკანასკნელმა საუცხოო მატჩი ჩაატარა და გუნდის გადარჩენა რამდენჯერმე შეძლო.

მეორე ტაიმში ჟოზე მოურინიოს ცვლილებებმა გაამართლა. შეცვლაზე შემოსულმა მარსიალმა 2 წუთში მოახერხა გუნდის დაწინაურება, თუმცა ეს გამარჯვებისთვის საკამრისი არ აღმოჩნდა. სტუმრებმა 84-ე წუთზე მოახერხეს წონასწორობის აღდგენა. დე ხეას შეცდომის შედეგად ჯო ალენმა მოახერხა გოლის გატანა და გუნდს 1 ქულა მოუტანა.

შემადგენლობები

მანჩესტერ იუნაიტედი: დე ხეა - ა. ვალენსია, ბაილი, სმოლინგი, ბლინდი - ერერა (84. დეპაი), პოგბა - ლინგაარდი (67. მარსიალი), მატა (67. რუნი), რაშფორდი - იბრაჰიმოვიჩი.

სტოკ სიტი: გრანტი - ჯონსონი, შოუკროსი, მარტინს ინდი, პიტერსი - ქემერონი, უელანი, ალენი - შაქირი (90. ბერდსლი), არნაუტოვიჩი (77. უოლტერსი), ბონი (77. კრაუჩი).