ესპანური გამოცემა Diario Gol წერს:

"ბეილის აგენტ ჯონათან ბარნეტს გასული კვირის მიწურულს მანჩესტერში საქმიანი შეხვედრა ჰქონდა. იგი ჟოზე მოურინიოსა და ედ ვუდვორდს შეხვდა. ეს ორი ადამიანი კლუბის მფლობელთა უკან დგანან, მაგრამ "მანჩესტერ იუნაიტედში" გადაწყვეტილებების მიღების ძალაუფლებას ფლობენ. მათ მომდევნო ზაფხულს ბეილის გადაბირება სურთ".

"იუნაიტედმა" ბეილის შეძენა წინა სამ შემთხვევაშიც სცადა და თუ შესაძლებელი იქნება, ამჯერადაც არ დაიხევს უკან. მადრიდის "რეალთან" უელსელის კონტრაქტი 2019 წელს იწურება და ითვლება, რომ კლუბში ბედნიერი არ არის, რადგან ჯერ კიდევ კრიშტიანუ რონალდუს ჩრდილქვეშ იმყოფება.

კომერციული ინტერესებიდან გამომდინარე ბეილის შეძენას მიესალმება Adidas-იც, ხოლო ამ ტრანსფერის განხორციელების შემთხვევაში "წითელი ეშმაკები" ანტუან გრიზმანის შეძენას აღარ ეცდებიან.

წყარო: M.E.N.