"მანჩესტერ იუნაიტედი" "სტოკ სიტისთან" მატჩში სტანდარტულ მდგომარეობებს უპირატესი მნიშვნელობით მიუდგება ნაცვლად იმისა, რომ "მეთუნუქეებთან" ბოლო წლებში ჩვევად ქცეულ ხერხს, სტანდარტული მდგომარეობებისთვის თავის არიდებას მიმართოს.
მიუხედავად იმისა, რომ მარკ ჰიუზის გუნდი სავალალო მდგომარეობაში იმყოფება, გუნდის სათამაშო სტილი "იუნაიტედის" ყოფილი თავდამსხმელის მწვრთნელობისას მკვეთრად შეიცვალა. ტონი პულისის "სტოკის" ძირითადი სიძლიერე მეორე სართულზე კარგი თამაში იყო, ჰიუზის გუნდის სიძლიერე კი პირველ სართულზე მოქმედებაა.
რამდენად შეუძლია "იუნაიტედს" სტანდარტული მდგომარეობებით სარგებლობა, "ლესტერ სიტისთან" მატჩში აჩვენა, როცა სამი გოლი გაიტანა კუთხურის გათამაშების შედეგად. "ზარიასთან" იბრაჰიმოვიჩის მიერ გატანილი თავური გოლი კი მეექვსეა მიმდინარე სეზონში, რომელიც "იუნაიტედის" ფეხბურთელებმა თავით გაიტანეს.
ჟოზე მოურინიომ ახსნა, თუ რატომ გაამართლა "ოლდ ტრაფორდზე" "მელიების" წინააღმდეგ ასეთმა ხერხმა: "შრომისა და ინდივიდუალური უნარების წყალობით. ზოგიერთი ინდივიდუალური კრეატიულობა მომენტებში და ასევე დაცვის შეცდომებიც. ამის კომბინაცია. ვიცი, რომ კუთხურებზე სახიფათო ვიქნებით, მაგრამ ყველა მატჩში სამ გოლს ვერ გაიტან, ეს არანორმალურია.
რა თქმა უნდა, საჯარიმოში შეტევისთვის კარგი ფეხბურთელები გვყავს, მოძრაობებს ვამუშავებთ, მაგრამ ყველაზე მნიშვნელოვანი მაინც შესრულების დონეა, იმ მატჩში კი ბლინდმა ძალიან კარგი დონე აჩვენა".
ის ფაქტი, რომ "იუნაიტედმა" უმატა თავური გოლების გატანას, ხოლო "სტოკმა" თავის მხრივ ამ კომპონენტში საგრძნობლად მოუკლო, ექსპერტებს საშუალებას აძლევს გამოთქვან მოსაზრება, რომ "მეთუნუქეები" მორიგ მარცხს განიცდიან, ზოგიერთის აზრით კი სეზონის დასაწყისში მათი წარუმატებლობის მთავარი მიზეზი სწორედ ესაა.
როცა მოურინიოს ჰკითხეს, უფრო მკაცრი წესები უფრო მეტი გოლის მოტანას შეძლებდა თუ არა, მან უპასუხა: "ვფიქრობ, შეიძლება, მაგრამ ამ შემთხვევაში პრობლემა ანალიზის არათანმიმდევრულობაა. ჩემი აზრით, იმან, რომ მისტერ მაიკ დინმა სეზონის დასაწყისში რამდენიმე პენალტი დანიშნა, ყველას აფიქრებინებს, რომ მას სეზონის დასაწყისში სწორედ ასეთი ხასიათის გამოვლენა სურდა - დიდი გადაწყვეტილებების მიმღების ხასიათის, იმ გადაწყვეტილებების, რომლებსაც ჩვენს ხელთ არსებული ინფორმაციის საფუძველზე ვიღებთ. ის ერთ-ერთი იმ მსაჯთაგანი იყო, ვინც ამ საკითხში სიმკაცრეს იჩენდა.
ვფიქრობ, "ლესტერმაც" და ჩვენც ვიცოდით ეს, როცა თავდამსხმელს არ აყაჩაღებ და არ ბოჭავ, უფრო მეტი შანსი აქვთ. ყველა კუთხურზე, რომლის დროსაც მარუან ფელაინი საჯარიმოშია, რაც "ლესტერთან" არ მომხდარა, მცველები მის გასანეიტრალებლად ყველა ხერხს მიმართავდნენ და წინა სეზონში პენალტები არ ინიშნებოდა, არც ამ სეზონში ინიშნება, მაგრამ ყველაზე მნიშვნელოვანი მაინც თანმიმდევრულობაა.
მსაჯები და მათი ასისტენტები თანმიმდევრულები უნდა იყვნენ - არ შეიძლება ერთ დღეს პენალტი დანიშნო და მეორე დღეს იმავე ქმედების გამო არ დანიშნო. "ლესტერთან" მატჩი სრულიად სუფთა იყო ამ მხრივ, მსაჯები კი მართლაც კარგად და თანმიმდევრულად მოქმედებდნენ".
ინტერვიუები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.