"მანჩესტერ იუნაიტედის" ნახევარმცველი ხუან მატა ამტკიცებს, რომ ჟოზე მოურინიოსთან ურთიერთობაში მას არასდროს ჰქონია პრობლემა.

"ჩელსის" მთავარი მწვრთნელობის დროს მოურინიოს ერთ-ერთი ყველაზე ხმაურიანი გაყიდვა ხუან მატას გაშვება იყო გუნდიდან. 2014 წელს სწორედ "ოლდ ტრაფორდს" მიაშურა მატამ, სადაც კვლავ გაერთიანდა პორტუგალიელ მწვრთნელთან.

ამის ფონზე პრესასა და ექსპერტებს შორის გაჩნდა მოსაზრება, რომ მოურინიო მატას "იუნაიტედშიც" არ მისცემდა შანსს და სხვა კლუბში გაყიდდა, მაგრამ 28 წლის ფეხბურთელი არ აღიარებს, რომ "ჩელსიდან" მისი წამოსვლის მიზეზი პირადი უთანხმოება იყო.

"მოურინიოსთან ცუდი ურთიერთობა არასდროს მქონია. ბევრი სიცრუე ითქვა ჩემსა და მოურინიოს შორის, როცა ზაფხულში კლუბში მოვიდა. მაწუხებდა ცრუ ჭორების მოსმენა და კითხვა. მისდამი დადებითად ვარ განწყობილი. ფეისბუქსა და თვითერზე მრავალგვარ კომენტარს წაიკითხავთ, მაგრამ ისინი მხოლოდ სასაცილოა", - განაცხადა ესპანელმა.

წყარო: goal.com