დროა გადაწყვიტოთ, ვინ უნდა იქნეს არჩეული სექტემბრის თვეში "მანჩესტერ იუნაიტედის" საუკეთესო ფეხბურთელად. პერიოდში, რომელიც ზედიზედ სამ მარცხსა და ზედიზედ სამ გამარჯვებას მოიცავს, შემდეგი ნომინანტები არიან წარდგენილნი...

ანდერ ერერა: 4 მატჩი, 1 გოლი

წამყვანი ფიგურა "მანჩესტერ სიტისთან" მატჩის მეორე ტაიმში, ანდერ ერერამ მნიშვნელოვანი როლი ითამაშა ლიგის თასზე "ნორთჰემპტონის" დამარცხებაშიც, სადაც თავი გატანილი გოლითა და ნახევარდაცვის ცენტრში შესანიშნავი მოქმედებით გამოიჩინა.

ზლატან იბრაჰიმოვიჩი: 6 მატჩი, 2 გოლი, 1 მატჩის საუკეთესო ფეხბურთელის ჯილდო

შვედი კიდევ ერთხელ მოხვდა თვის საუკეთესო ფეხბურთელის ნომინანტებს შორის. მან სექტემბერში ორი გოლი გაიტანა, რომელთაგან ერთ-ერთი მანჩესტერულ დერბიში, მეორე კი "ზორიასთან" მატჩზე მოდის. მიუხედავად იმისა, რომ ორშაბათს 35 წლის გახდა, "წითლების" ფორვარდი ერთადერთია, რომელმაც გუნდის ყველა მატჩში მიიღო მონაწილეობა მიმდინარე სეზონში.

მარკუს რეშფორდი: 6 მატჩი, 3 გოლი

18 წლის ფეხბურთელმა მოურინიოს მიერ მიცემული შანსი შესანიშნავად გამოიყენა და შემტევ როლში გუნდის საუკეთესო ბომბარდირი გახდა სექტემბრის თვეში. მარკუსმა თავისი გოლები "უოტფორდის", "ნორთჰემპტონისა" და "ლესტერ სიტის" კარში გაიტანა.

ხმის მიცემა: manutd.com შედეგი 7 ოქტომბერს გამოცხადდება.

ვის მიეცით ხმა?

ანდერ ერერა

ზლატან იბრაჰიმოვიჩი

მარკუს რეშფორდი

ხმის მიცემა შედეგები