"მანჩესტერ იუნაიტედის" ყოფილი ნახევარმცველი პოლ სქოულზი თვლის, რომ "წითლების" კაპიტანი უეინ რუნი ჯერ კიდევ შეძლებს პრინციპულ მატჩებში მონაწილეობას.
30 წლის ფეხბურთელის არაოპტიმალურმა ფორმამ და პრესაში მომძლავრებულმა კრიტიკამ "წითელი ეშმაკების" მთავარი მწვრთნელი ჟოზე მოურინიო აიძულა რუნი სათადარიგოთა სკამზე დაესვა.
მიუხედავად ამისა, "იუნაიტედის" ლეგენდას მიაჩნია, რომ რუნი კვლავ გამოიჩენს თავს, როცა დიდი მატჩების დრო დადგება.
"ამ კლუბისთვის ნამდვილად სასარგებლო და მნიშვნელოვანი ფეხბურთელია. უბრალოდ ამჟამად არც ისე კარგ ფორმაში იმყოფება.
დარწმუნებული ვარ, მისი ყოფნა სათადარიგოთა სკამზე დიდხანს არ გასტანს. უეინის ხასიათს ვიცნობ, მის მხარდამხარ მრავალი წელი მითამაშია. ის არის მებრძოლი, რომელიც გულხელდაკრეფილი არ დაჯდება.
ყველაფერს გააკეთებს შემადგენლობაში დასაბრუნებლად. მეჯრა, როცა ნამდვილად დიდი მატჩების დრო დადგება, უეინს თავის საუკეთესო კონდიციებში ვიხილავთ. ასეთ საპასუხისმგებლო მატჩებში აუცილებლად ითამაშებს", - განაცხადა ყოფილმა ნახევარმცველმა.
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.