გუშინ ევროპის ლიგის. ჯგუფური ეტაპის მე-2 ტურის შეხვედრაში "მანჩესტერ იუნაიტედმა" "ზარიას" უმასპინძლა და მინიმალური ანგარიშით დაამარცხა მეტოქე. მოურინიოს გუნდმა ევროპის ლიგის მიმდინარე სეზონში პირველი გამარჯვება იზეიმა.

როგორც მოსალოდნელი იყო, შეხვედრა მასპინძელთა უპირატესობით დაიწყო. პირველი რეალური საგოლე მომენტი "იუნაიტედმა" მე-20 წუთზე შექმნა, მარკუს რეშფორდს შეეძლო კლუბის მაისურით თავისი მე-13 გოლი გაეტანა, თუმცა მისი დარტყმული ხარიხას მოხვდა. მანჩესტერელებმა გოლის გატანა 69-ე წუთზე მოახერხეს, ზლატან იბრაჰიმოვიჩმა თავური დარტყმით მეტოქის კარის აღება მოახერხა და კლუბს პირველი სამი ქულა მოუტანა.

შემადგენლობა: რომერო; ფოსუ-მენსა (მარსიალი 73'), ბაიი, სმოლინგი, როხო; ფელაინი, პოგბა; ლინგარდი (რუნი 67'), მატა (იანგი 73), რეშფორდი; იბრაჰიმოვიჩი.

გამოუყენებელი ცვლილებები: ჯონსტოუნი, კერიკი, შნეიდერლინი, დეპაი.