ჰოლანდიაში თქვენ ვერ მიიღეთ ის შედეგი რასაც ელოდით. როგორ ფიქრობთ, რამდენად მნიშვნელოვანია ხვალ სასურველი შედეგის მიღება ?

"მნიშვნელოვანია ყველა მატჩი. ჩვენ ხვალ უნდა გავიმარჯვოთ. თუ ჩვენ ამას ვერ მოვახერხებთ წინ 4 მატჩი გვრჩება და ყველაფერი გართულდება, რადგან ყველა დარჩენილ მატჩში მხოლოდ 3 ქულის აღება დაგვჭირდება. მე არ მსურს გავირთულოთ სიტუაცია, ამიტომ ჩვენ ხვალ უნდა გავიმარჯვოთ."

თქვენ თქვით რომ შაბათს შოუ მზად არ იყო სათამაშოდ, დღეს კი მას საერთოდ არ უვარჯიშია თქვენთან ერთად...

"ის გაცივდა, მაღალი ტემპერატურა ჰქონდა. დილით შოუ მოვიდა ვარჯიშზე, მაგრამ ექიმმა ის სახლში გაუშვა, რადგან მის გაციებას სხვების ჯამრთელობაზე უარყოფითად არ ემოქმედა."

როდესაც კენჭისყრა შედგა, თქვენ თქვით რომ "ზარიაზე" ცოტა რამ თუ იცოდით. რა იცით ახლა მათ შესახებ ?

"ახლა მათ შესახებ ბევრი ვიცი. ვუყურე მათ თამაშს "ფენერჰბახჩეს" და "დინამო კიევის" წინააღმდეგ. ასევე მათ შესახებ ბევრი ინფორმაცია ჩემმა ასისტენტებმაც მომაწოდეს. ისინი ორივე ამ მატჩზე იმყოფებოდნენ. რაც "ზარიაში" დავინახე ეს არის მათი სისხარტე. ჩემმა ფეხბურთელებმა იციან მათი გამორჩეული ფეხბურთელები, თამაშის სტილი, ფილოსოფია. ვფიქრობ მზად ვართ."

ჟოზე, თქვით რომ მხითარიანი გამოჯანმრთელდა. რას უნდა ველოდოთ მისგან ? ფაქტია ჯერ ჰენრიხს საუკეთესო თამაში არ უჩვენებია. თქვენი აზრით რომელია მისთვის საუკეთესო პოზიცია ?

"მხითარიანი ხვალ არ ითამაშებს."

და უეინ რუნი ითამაშებს ?

"რუნი განაცხადშია, მაგრამ იქნება ის თუ არა სასტარტოში ჯერ არ გადამიწყვეტია. ორშაბათს მან ნაწილობრივ ივარჯიშა, გუშინ კი საერთოდ არ უვარჯიშია. რუნის ზურგზე ჰქონდა პრობლემები და მხოლოდ დღეს ივარჯიშა სრულად გუნდთან ერთად, რადგან ხვალინდელი მატჩის გამო დღეს ინტენსიური ვარჯიშები არ გვქონია. თქვენ მას რთული სიტუაცია შეუქმენით. ის შეიძლება გამოვიდეს მოედანზე მაგრამ ცუდი მატჩის ჩატარების უფლება არ აქვს. მე რუნის დავიცავ, აქ ამისთვის ვარ. ამიტომ შევხედავ და გავაანალიზებ მის მდგომარეობას და ამის შემდეგ გადავწყვეტ მზად არის ის თუ არა კარგი მატჩის ჩასატარებლად."

ჟოზე, ინგლისის საფეხბურთო ნაკრები მწვრთნელის გარეშე დარჩა. რას იტყოდით ?

"პირველ რიგში გეტყვით იმას რომ ვწუხვარ, რადგან ვიცი რომ სემისთვის ეს სამუშაო ოცნება იყო. ის რაც მოხდა არანაირ გავლენას არ იქონიებს ჩვენს ურთიერთობაზე. მე მომწონს სემი, მას დიდ პატივს ვცემ. ამასთან ეს მისი და საფეხბურთო ასოციაციის გადასაწყვეტი საქმეა და არა ჩემი."

ჰოლანდიაში თქვენ საკმაოდ ბევრი ფეხბურთელი დაასვენეთ. აპირებთ იმავეს ხვალინდელ მატჩში ?

"არა, სავარაუდოდ არა."

ანუ მთავარი ფეხბურთელები ხვალ ითამაშებენ ?

"დიახ."

ჟოზე, როდესაც "ჩელსიში" მუშაობდით თქვენ გაყიდეთ მატა...

"არ ხართ მართალი"

კარგით... მაშინ თქვენ მის პოზიციაზე ბევრი ფეხბურთელი გყავდათ. შეიცვალა თუ არა სიტუაცია ახლა ? ის თქვენთვის უფრო ღირებული ფეხბურთელი გახდა ?

"არა. პირველ რიგში ვიტყვი იმას რომ მე მატა არ გამიყიდია. ეს არაა ჩემი ამოცანა ფეხბურთელის გაყიდვა. ჩემი ამოცანაა მათი გაწვრთვნა და მოედანზე გაყვანა. ხუანმა თვითონ მთხოვა გაშვება და როდესაც ფეხბურთელი ამას გთხოვს იქ ორჯერ არ უნდა დაფიქრდე. ფეხბურთელების ის ნაკრები რომლებიც მე "ჩელსიში" მყავდა ერთია, ფეხბურთელები რომლებიც მე აქ მყავს სხვა. მე "იუნაიტედში" განსხვავებული გეგმები მაქვს და ვაპირებ გუნდი ვათამაშო განსხვავებულად მაშინდელი "ჩელსისგან". ამიტომ ვფიქრობ მატა "ჩელსიში" კარგი ფეხბურთელი იყო, "იუნაიტედში" კი ის ძალიან კარგი ფეხბურთელია."

როგორ არის ანტონი მარსიალი ? გამოჯანმრთელდა ის თუ არა ?

"ის გამოჯანმრთელდა და მზადაა ხვალინდელი მატჩისთვის."

ჟოზე, კმაყოფილი იყავით მისი თამაშით ტრავმამდე ?

"სალაპარაკო თემის შეცვლაში კარგი ხართ. აღარ იქნება შეკითხვები რაშფორდზე ? რატომ არ თამაშობს ? რატომ თამაშობს კარგად ? რატომ გააქვს გოლები ? რატომ უნდა გამოიძახონ ნაკრებში ? რაშფორდზე შეკითხვები აღარ არის, ახლა მთავარი თემა მარსიალია..."

ჟოზე, "ჩელსიში" ყოფნის დროს ამბობდით რომ მატა ვერ ჯდებოდა გუნდის სტილში. "იუნაიტედში" განსხვავებული ვითარება იქნება ?

"რა თქმა უნდა. მე აქ სწორხაზოვანი ფეხბურთელები არ მყავს. ჩვენთვის კარგი და ლამაზი ფეხბურთია მთავარი მიზანი. მე აქ არ მყავს ისეთი ძლიერი და კომპაქტური ფეხბურთელები. ჩვენ განსხვავებული ფეხბურთის თამაშს ვაპირებთ. ჩვენ ამ პროცესის მხოლოდ დასაწყისში ვართ. გპირდებით რომ ეს იქნება განსხვავებული ფეხბურთი. იმ ფეხბურთისთვის, რომლის თამაშსაც ჩვენ ვაპირებთ მატა იდეალურია, ჩვენ გვჭირდება მისი შესაძლებლობები."

წყარო:Carrick.ru