იტალიური გამოცემა Calciomercato ამტკიცებს, რომ "მილანი" იანვარში "მანჩესტერ იუნაიტედის" ნახევარმცველის, მემფის დეპაის იჯარით გადაბირებას ეცდება.
ვინგერი ჟოზე მოურინიოს გეგმების ნაწილი იშვიათად ხდება და მიმდინარე სეზონში "იუნაიტედის" რიგებში მხოლოდ ოთხი მატჩი ჩაატარა, რომელთაგან სამი შეცვლაზე შესვლას მოჰყვა. ჰოლანდიელს თავის გამოჩენის შანსი ლიგის თასის მატჩში მიეცა, როცა "ნორთჰემპტონის" წინააღმდეგ შეხვედრაში სასტარტო შემადგენლობაში მოგვევლინა, მაგრამ მნიშვნელოვანი ვერაფერი გააკეთა.
შესაბამისად იგულისხმება, რომ დეპაი "იუნაიტედის" გეგმებში არ შედის, რითაც სარგებლობას აპირებს იტალიური კლუბი და იანვარში მემფისის იჯარის წესით გადაბირებას ეცდება იმ პირობით, რომ სურვილის შემთხვევაში სეზონის ბოლოს მისი გამოსყიდვა 24 მლნ. ევროდ შეეძლება.