საფეხბურთო აგენტი მინო რაიოლა გამოტყდა, რომ გასულ ზაფხულს ზლატან იბრაჰიმოვიჩი მას პოლ პოგბას "მანჩესტერ იუნაიტედში" გადასვლას აიძულებდა და თან ემუქრებოდა.
რაიოლამ წელს "ოლდ ტრაფორდზე" თავისი სამი კლიენტი გაუშვა - იბრაჰიმოვიჩი, პოგბა და ჰენრიხ მხითარიანი.
მინოს თქმით, ზლატანს არ სურდა პოგბასთან ერთად თამაშის შესაძლებლობის ხელიდან გაშვება და თავის აგენტს ფეხების დამტვრევითაც დაემუქრა.
"არც კი იფიქრო პოგბას რომელიმე სხვა კლუბში გაშვება, თორემ ფეხებს მოგამტვრევ" - მითხრა ზლატანმა.
პოგბას ჯერ კიდევ საპოვნელი აქვს თავისი ადგილი გუნდში. პირადად მე მის ხილვას მარცხენა შემტევი ნახევარმცველის პოზიციაზე ვამჯობინებდი. თავისი ძლევამოსილებით, ამტანობითა და ტექნიკით... ამ როლში შეუჩერებელი იქნებოდა. მაგრამ ეს მოურინიოს გადასაწყვეტია", - განაცხადა ფეხბურთელის აგენტმა.