მოურინიოს იანვრის სატრანსფერო გეგმა შემუშავებული აქვს.
"მანჩესტერ იუნაიტედი" ზამთრის სატრანსფერო ფანჯარაზე აქტიურობას გეგმავს და გაძლიერებას ნახევარმცველით აპირებს. ინგლისური გრანდის შორტლისტში ორი ნახევარმცველი, ლისაბონის "სპორტინგის" 24 წლის ჩამშლელი უილიამ კარვალიუ და ტურინის "იუვენტუსის" 18 წლის ნახევარმცველი გრეგორის კასტანოსი არიან.
24 წლის უილიამ კარავალიუ განიხილება, როგორც ევროპის ერთ-ერთი საუკეთესო ნახევარმცველი. მან საკამოდ მაღალ დონეზე ჩაატარა გასული ევროპის ჩემპიონატი და მიიქცია მრავალი კლუბის ყურადღება, მათ შორის "მანჩესტერ იუანიტედის".
ტურინის "იუვენტუსის" 18 წლის კვიპროსელი ტალანტის მიმართ "იუნაიტედის" გარდა ინტერესს ასევე მერსისაიდული "ევერტონიც" გამოხატავს. 18 წლის ნახევარმცველს შეუძლია როგორც ნახევარდაცვის ცენტრალურ ზონაში თამაში, ასევე მარცხენა ფრთაზეც.
ამავდროულად, "იუნაიტედი" ზამთარში განიხილავს მატეო დარმიანის გუნდიდან გაშვების ვარიანტს.
გავრცელებული ინფორმაციით, იტალიელი მცველის მიმართ სერიოზულ ინტერესს სერია ა-ს ბინადრები, ტურინის "იუვენტუსი" და "ნაპოლი" გამოხატავენ, ასევე ინტერესია ინგლისიდან, კერძოდ, ლონდონის "ჩელსიდან".
"არისტოკრატების" მენეჯერი ანტონიო კონტე დიდი თაყვანისმცემელია მატეო დარმიანის.შეგახსენეთ, რომ კონტე და დარმიანი ერთად იტალიის ეროვნულ ნაკრებში მუშაობდნენ და ახლა კონტეს მატეოსთან მუშაობა კლუბშიც სურს.
თავად ჟოზე მოურინიოს არ სურს კონკურენტის გაძლიერება და ეცდება მატეო იტალიის ჩემპიონატს დაუბრუნოს.
ჟოზე მოურინიოს ხელმძღვანელობით იტალიელს სათამაშო დრო არც ისე ხშირად ეძლევა, რადგან პორტუგალიელის მთავარი არჩევანი მარჯვენა მცველის პოზიციაზე ეკვადორელი ანტონიო ვალენსიაა.
წყარო:
M.E.N.