"მანჩესტერ იუნაიტედის" თავდამსხმელ ზლატან იბრაჰიმოვიჩს თავისი სათამაშო კარიერის დასრულება არა "ოლდ ტრაფორდზე", არამედ იტალიურ "ნაპოლიში" სურს.
მიუხედავად იმისა, რომ იბრაჰიმოვიჩის კონტრაქტი სეზონის ბოლომდეა გათვლილი, "წითელი ეშმაკების" მთავარმა მწვრთნელმა ჟოზე მოურინიომ უკვე გამოთქვა იმედი, რომ შვედი თავის გუნდში 2018 წლამდე დარჩება.
ფეხბურთელის აგენტი მინო რაიოლა კი ამტკიცებს, რომ მისმა კლიენტმა "იუნაიტედში" გადასვლა დიდი ხნის წინ გადაწყვიტა, თუმცა კარიერის დასრულება სერია A-ში სურს.
"როცა კლუბების პრეზიდენტები მესაუბრებიან, ეს ჩვენში უნდა დარჩეს. "იუნაიტედი" დიდი ხნის წინ ავირჩიეთ კარიერის გაგრძელების სამიზნედ, ეს ჩვენი მიზანი იყო და მას მივაღწიეთ.
მხოლოდ იმის თქმა შემიძლია, რომ ნეაპოლში ჩირო ფერარას გამოსათხოვარ მატჩზე ზლატანმა დამირეკა და მითხრა: "მინო, მინდა კარიერა "ნაპოლიში" დავასრულო. ალბათ, ასეც მოხდება", - განაცხადა რაიოლამ.