"მანჩესტერ იუნაიტედის" მენეჯერს ჟოზე მოურინიოს სურს, რომ პოლ პოგბამ თავისი სარეკორდო ღირებულება დაივიწყოს და კლუბში დაბრუნება პოზიტიური სტარტით დაიწყოს. ტრანსფერიდან დღემდე, პოგბამ ოთხივე მატჩი სრულად ჩაატარა წინა-სასეზონო მომზადების გარეშე. აქედან გამომდინარე, ჟოზე თვლის, რომ ფრანგს ფორმაში ჩასადგომად მცირე დრო დასჭირდება.
"თუ თქვენ შეადარებთ ჩვენს მიერ გადახდილ თანხას კლუბის შემოსავალს, მიხვდებით, რომ სხვა კლუბების გადახდილი 20,30 და 40 მილიონები უფრო მეტია, ვიდრე ჩვენი.
უბრალოდ მინდა, რომ პოგბამ ეს თანხები დაივიწყოს და საკუთარი თამაში აჩვენოს. მიუხედავად იმისა, რომ სეზონის დაწყებამდე მომზადება არ გაუვლია, პირველივე მატჩში მნიშვნელოვანი გავლენა მოახდინა გამარჯვებაზე და ამის შემდეგ, მცირე რეგრესი ჰქონდა. პოგბას მთლიანად ვენდობი, რადგან მის შესაძლებლობებს ვიცნობ: პოლი კარგი ბიჭია დიდი ამბიციებით და ბუნებრივია, რომ ის ძლიერ ფორმას აუცილებლად დაუბრუნდება." - აცხადებს პორტუგალიელი სპეციალისტი.
მოურინიოს სჯერა, რომ პოგბას აქვს უნარი, ითამაშოს გუნდისთვის სასურველ პოზიციაზე. "ეს სიტუაციაზეა დამოკიდებული. პრემიერ ლიგაში, უეინ რუნის 10-იანზე ვათამაშებთ, "ფეინოორდთან" ეს პოზიცია ერერამ დაიკავა და მას ზურგს შნეიდერლინი უმაგრებდა, რაც პოგბას მეტ თავისუფლებას აძლევდა. მის პოზიციაზე პრობლემები არ გვაქვს - ის თავს კომფორტულად გრძნობს." - განაცხადა მოურინიომ.