როგორ Téléfoot იტყობინება, "მარსელს" "მანჩესტერ იუნაიტედის" გერმანელი ნახევაარმცველი, ბასტიან შვაინშტაიგერის შეძენა სურს.

როგორც გამოცემა იტყობინება, ფრანგები უკვე დაუკავშირდნენ შვაინშტაიგერს, რომელიც მოურინიომ ევროპის ლიგის განაცხადის მიღმა დატოვა. გერმანელი ფეხბურთელი "იუნაიტედს" 2015 წელს შეუერთდა, მის ანგარიშზე 31 მატჩი და 1 გატანილი გოლია.

"ძალიან ძნელი იქნება მისთვის გუნდში ადგილის გამონახვა" - განაცხადა მოურინიომ, თუმცა აღსანიშნავია, ისიც რომ შვაინშაიგერმა ცოტა ხნის წინ განაცხადება გააკეთა, სადაც აღნიშნა, რომ "იუნაიტედი" მისთვის ბოლო ევროპული კლუბი იქნება.