"მანჩსტერ იუნაიტედის" ბელგიელი ნახევარმცველი საკმაოდ კარგად გამოიყურებოდა მოედანზე, თუმცა მისმა გუნდმა პირველი მარცხი განიცადა მიმდინარე სეზონში და ეს მის პირდაპირ კონკურენტთან მოხდა. მიუხედავად ცუდი რეზულტატისა, ფელაინიმ თავის თანაგუნდელებს მოუწოდა დაევიწყებინათ ეს წარუმატებლობა და მომდევნო მატჩზე ეფიქრათ: "შედეგით ყველანი იმედგაცრუებულები ვართ, რაც არაა გასაკვირი, ჩვენ დერბი დავთმეთ. თუმცა ეს მხოლოდ სეზონის მეოთხე თამაშია და წარუმატებლობა ყველა გუნდს აქვს. ახლა მთელი ჩვენი კონცენტრაცია მომდევნო მატჩზე უნდა გადავიტანოთ და შესაბამისად, შევხვდეთ მოწინააღმდეგეს."

"მიუხედავად იმისა, რომ პირველი ტაიმი ჩავაგდეთ, მაინც შევქმენით მომენტები და შესვენებაზე შეგვეძლო რომ 2-2ზე გავსულიყავით. ასე რომ ეს პრობლემა არაა. პრობლემა ისაა, რომ ჩვენ არ ვმოქმედებდით საკმარისად აგრესიულად. მიუხედავად ამისა, მეორე ტაიმში გუნდი გაცილებით უკეთესად გამოიყურებოდა. წინ კიდევ 34 მატჩია და ახლა სასოწარკვეთილების დრო არაა. ახლა ჩვენი მიზანია მომდევნო მატჩისთვის მოვემზადოთ და ძალები აღვიდგინოთ. მომდევნო მატჩები ხუთშაბათსა და კვირას უნდა გავმართოთ. ევროპა ლიგაზე მონაწილეობის გამო საკმაოდ რთული გრაფიკი გვაქვს, ამიტომ ყველაფრისთვის მზად უნდა ვიყოთ."

წყარო:Manutd.com