როგორც მოგეხსენებათ, ბასტიან შვაინშტაიგერმა საბოლოოდ დაკარგა ადგილი "მანჩესტერ იუნაიტედის" შემადგენლობაში, რის საფუძველზეც, კლუბი მზად არის მის გასასხვისებლად.

"იუნაიტედმა" უკვე დააწესა სატრანსფერო ღირებულება, რომელიც 6.7 მილიონ ფუნტ სტერლინგს შეადგენს.

მიუხედავად იმისა, რომ გერმანელის ტრანსფერი "იუნაიტედს" 8.4 მილიონი ფუნტ სტერლინგი დაუჯდა, ინგლისურ მხარეს არ აქვს ფინანსური პრობლემის საშიშროება, რამეთუ გასულ სეზონში კლუბის შემოსავალმა რეკორდული ციფრს მიაღწია და ნახევარ მილიარდს გადააჭარბა.

ცნობილია ის ფაქტიც, რომ ჟოზე მოურინიოს გეგმებში შვაინშტაიგერი არ შედის, სწორედ ამიტომ გერმანელი ნახევარმცველი ზამთრის სატრანსფერო ფანჯრის გახსნამდე პირველ გუნდთან ერთადაც კი ვერ ვარჯიშობს. ბასტიანი ასევე ვერ მოხვდა ევროპა ლიგის 23 კაციან განაცხადში.

წყარო: Goal.com