გუშინ სემ ელერდაისის სადებიუტო მატჩი შედგა ინგლისის ნაკრებში. "სამი ლომი" სლოვაკეთის ნაკრებს დაუპირისპირდა და ბოლო წუთზე გატანილი გოლის წყალობით, მსოფლიო ჩემპიონატის შესარჩევი ეტაპის პირველ გამარჯვებას დაეუფლა.

უეინ რუნიმ ეროვნულ ნაკრებში 116-ე მატჩი ჩაატარა, რაც მინდვრის მოთამაშეთა შორის სარეკორდო მაჩვენებელია, ინგლისელთა კაპიტანმა ლეგენდარულ დევიდ ბექჰემს გადაასწრო. ინგლისის ნაკრების რეკორდსმენად მეკარე პიტერ შილტონი რჩება, რომლის ანგარიშზეც 125 მატჩია.

ინგლისის ნაკრებში რუნის დებიუტი 2003 წელს შედგა. ამ დროის მანძილზე კაპიტანმა 116 მატჩი ჩაატარა. აღსანიშნავია, რომ 53 გოლით ინგლისელთა ათიანი ნაკრების ყველა დროის საუკეთესო ბომბარდირია.