მანჩესტერული კლუბი გაჩერებას არ აპირებს.
საზაფხულო სატრანსფერო ფანჯარაზე აქტიურად მონაწილეობის შემდეგ, "იუნაიტედის" თავკაცი შეეცდება იანვარშიც გააძლიეროს თავისი გუნდი რამდენიმე ტრანსფერით.
ამ ზაფხულს "იუნაიტედმა" დაახლოებით 150 მილიონი ფუნტ სტერლინგი დახარჯა ტრანსფერებში და გუნდი საგრძნობლად გაძლიერდა, მაგრამ მოურინიო მიიჩნევს, რომ მას კიდევ რამდენიმე ფეხბურთელი ესაჭიროება.
Manchester Evening News-ის ინფორმაციას თუ დავეყრდნობით, მოურინიოს სურს იანვარში "მონაკოს" ფლანგის მცველის, ფაბინიოს გადმობირება. "წითელი ეშმაკები" 22 წლის ფეხბურთელის შეძენას ამ ზაფხულს ცდილობდნენ, მაგრამ ჩემპიონთა ლიგაზე გასვლის შემდეგ ფრანგულმა კლუბმა არ ისურვა თავიანთი ერთ-ერთი ლიდერის გაშვება.
ასევე ისიც გასათვალისწინებელია, რომ ფეხბურთელს მოურინიო ასე თუ ისე იცნობს "რელაში" ასპარეზობის დროს.
რაც შეეხება მეორე სამიზნეს, წყაროს თუ დავუჯერებთ ჟოზე მადრიდის "რეალის" ახალგაზრდა ცენტრალურ მცველს რაფაელ ვარანსაც აკვირდება. პორტუგალიელ სპეციალისტს ვარანეს შეძენა მაშინაც სურდა, როდესაც "ჩელსის" წვრთნიდა, თუმცა ფრანგი მცველი ადვილად დაითანხმა ზინედინ ზიდანმა, რომ დარჩენილიყი.
ვარანმა სეზონის პირველი სამი მატჩი სასტარტო შემადგენლობაში დაიწყო, მაგრამ თუ კიდევ მოხდება ისე, რომ ის ადგილს დაკარგავს და კონკურენციას ვერ გაუწევს გამოცდილ პეპეს, ეს შეიძლება მოურინიომ თავის სასარგებლოდ გამოიყენოს.
წყარო:
fapl.ru