"მანჩესტერ იუნაიტედის" ფრანგი ლეგიონერი, მორგან შნეიდერლინის გადაბირებით დაინტერესებული იყო "ტოტენჰემი", სადაც მას ყოფილი მწვრთნელი მაურისიო პოჩეტინიო ელოდა, შეგახსენებთ რომ არგენტინელი და ფრანგი ერთად "საუთჰემპტონში" ყოფნის დროს მუშაობდნენ, თუმცა ფეხბურთელის აგენტმა ყველაფერს ნათელი მოჰფინა და განაცხადა, რომ ფრანგი ჩამშლელი "იუნაიტედს" არ დატოვებს.

26 წლის ნახევარმცველი, რომელიც გასულ ზაფხულს ლუი ვან გაალის დროს მოვიდა "იუნაიტედში", 24 მილიონის სანაცვლოდ "საუთჰემპტონიდან". "იუნაიტედის" ახალი მწვრთნელის, ჟოზე მოურინიოს ხელმძღანელობით მორგანმა პირველი მატჩი, პრე-სეზონის ბოლო მატჩში "გალათასარაის" წინაარმდეგ ითამაშა.

მორგანმა მხოლოდ პრემიერ ლიგის გახსნით მატჩში "ბორნმუთის" წინააღმდეგ მიიღო მონაწილეობა, მორგანმა ენტონი მარსიალი შეცვალა და მოედანზე 5 წუთი გაატარა, "საუტჰემპტონის" და "ჰალ სიტის" წინააღმდეგ გამართულ შეხვედრაში კი, საქმეში საერთოთ არ გვინახავს და ორივე შეხვედრაში 90 წუთი სათაგარიგო სკამზე გაატარა.

მას შემდეგ რაც "იუნაიტედმა" რეკორდულ თანხად დაიმატა პოლ პოგბა და მოურინიო მარუან ფელაინს უფრო ენდობა და ვიდრე შენიედერლინს, საკითხავი გახდა ფრანგის მომავალი "იუნაიტედში".

"ბორნმუთთან" მატჩის შემდგომ, მას არ ჰქონდა არც ერთი წუთი ნათამაშები, რამაც "ტოტენჰემის" ინტერესი უფრო გაამწვავა მორგანისადმი.

თუმცა შნედიერლინის აგენტის, პაშალ ბოსეუს განცხადებით, მისი კლიენტი მანჩესტერიდან გადაბარგებას არ აპირებს: "ის დარჩება, მანჩესტერ იუნაიტედში."-დაასრულა აგენტმა.


M.E.N.