"მანჩესტერ იუნაიტედის" ყოფილმა ფორვარდმა, დიეგო ფორლანმა განაცხადა, რომ "მანჩესტერ იუნაიტედის" გარდა ინგლისური კლუბების შემოთავაზებას არ განიხილავს.
"რამდენიმე წლის წინ ინგლისში თამაშის შესაძლებლობა მქონდა, მაგრამ ერთადერთი გუნდი, ვის რიგებშიც ვიასპარეზებ - "იუნაიტედია","-განუცხადა ფორლანმა გამოცემა The National-ს.
"მარკუს რეშფორდის, ენტონი მარსიალის, ზლატან იბრაჰიმოვიჩისა და უეინ რუნის გამო თუ თამაშს ვერ შევძლებ, იჯარით წასვლითაც ბედნიერი ვიქნები.
გასვლაზე "ლივერპულის" წინააღმდეგ თამაში, "ენფილდზე" ერთი ან ორი გოლის გატანა და შემდეგ სახლში დაბრუნება ძალიან კარგი იქნება.
ასევე მქონდა შემოთავაზება იტალიიდან და ესპანეთიდან, მაგრამ ვფიქრობ რომ ამ ქვეყნებში ჩემი დრო დასრულდა. იქაური ცხოვრების გემო უკვე გავსინჯე და რაღაც ახალი მჭირდება,"
შეგახსენებთ, რომ ამ წელს ურუგვაელმა ფორვარდმა "მუმბაი სიტისთან" 3-თვიანი კონტრაქტი გააფორმა.