ლუკ შოუმ გუშინდელ მატჩში მიღწეული საოცარი გამარჯვების შემდეგ, MUTV-სთან ემოციები ვერ შეიკავა.
"მე ეს მიყვარს. ვფიქრობ, ემოციური თვალსაზრისით ეს იყო საუკეთესო მათ შორის, რაც კი ოდესმე მოედანზე ვიგრძენი.
ეს იყო დაუჯერებელი გრძნობა, რომლის დაბრუნების შესახებ გასახდელში ყოველთვის ამბობდნენ. როგორც ვთქვი, ეს ძალიან მიყვარს და იმედი მაქვს, ასეთ გამარჯვებას არა ერთხელ მივაღწევთ.
გულშემატკივრების ჩვენთან ერთად აღნიშვნა ამ გრძნობას უფრო განსაკუთრებულს ხდიდა. როგორც ფეხბურთელი, ჩვენ შეგვეძლო იმის ხილვა თუ რამდენად ახარებდათ ფანებს შედეგი და მათ ნახეს, თუ რამდენად მნიშვნელოვანნი არიან ისინი ჩვენთვის.
მატჩის დროს, რამდენიმე თვალსაზრისით, ჩვენ არ ვაპირებდით შესვენებას. ჩვენ არ დავაგდეთ ტემპი და შევქმენით უამრავი შანსი. საბოლოოდ, მარკუსმა საჭირო გოლი გაიტანა და გამარჯვება მოგვიტანა,"
21 წლის მცველმა ცვლილებებთან დაკავშირებით მწვრთნელის გადაწყვეტილებით კმაყოფილება გამოთქვა. შოუს აზრით, სწორედ მოედანზე შემოსულმა ფეხბურთელმა შეძლეს გამარჯვება:
"მათ თამაშის დინამიკა, თითქმის მთელი თამაში შეცვალეს. მწვრთნელს გადაწყვეტილებისთვის მადლობას ვუხდით,"
ჟურნალისტებთან ლუკმა რეშფორდზეც ისაუბრა: "ის ახალგაზრდა ტალანტია, რომელსაც წინ დიდი კარიერა ელოდება. იმედი მაქვს, იგი ყოველ მატჩში საკუთარი შესაძლებლობების დემონსტრირებას შეძლებს.
ჩვენ ყველა მატჩის მოგება გვსურს. ამჟამად, საერთაშორისო შესვენებაზე უნდა გავაკეთოთ ფოკუსირება, შემდეგ კი დერბის სახით დიდი მატჩი გველოდება.
ვიცით, რომ ჩემპიონობისთვის ყველა თამაში გვეხმარება,"