ჟოზე მოურინიომ მატჩისწინა პრესკონფერენცია გამართა, სადაც მარსიალის სათამაშო ხარისხზე ისაუბრა. პორტუგალიელმა სპეციალისტმა აღნიშნა, რომ მიუხედავად მისი უგოლო მატჩებისა, ანტონი მოლოდინებს სრულიად ამართლებს.
"როცა კლუბი არა განსაკუთრებულ, არამედ საშუალო დონეზე თამაშობს, მაშინ გამოჩნდება ხოლმე ფეხბურთელი, რომელიც მოწოდების სიმაღლეზეა. გასულ სეზონში, მარსიალის არ ყოფნა სამი ქულის არ ქონას ნიშნავდა. მიმდინარე სეზონში, მარსიალის გოლები არ გვინახავს, მაგრამ ვნახეთ სამი გამარჯვება. ამჯერად. სხვა ფეხბურთელები იტანენ გოლებს და ეს გუნდისთვის დამახასიათებელი ჩვეულებრივი მომენტია. ანტონი კარგ თამაშს აჩვენებს და ამ ეტაპზე, მისგან მეტს არ ველი.
მას წინა-სასეზონო მომზადება არ გაუვლია და პოგბას თუ არ ჩავთვლით, გუნდს ყველაზე გვიან შემოუერთდა. ზოგიერთს მეტი დროც სჭირდება ახალ სეზონზე შესაგუებლად, მაგრამ ვფიქრობ, ის კარგ ფორმაშია და კარგი სეზონიც ექნება." - განაცხადა მოურინიომ
მოურინიოს ახალწვეულ ჰენრიხ მხითარიანზეც ჰკითხეს, რომელსაც სრული დებიუტი ჯერ "იუნაიტედში" არ ჰქონია. "ვიცი, რომ ჰენრიხი სუპერ ფეხბურთელია და ის აუცილებლად მიაღწევს წარმატებას. ვერ ვიჩქარებ და ვერ შეგპირდებით, რომ ის ყველა მატჩში მიიღებს მონაწილეობას, გულწრფელად რომ გითხრათ, მოედანს მიღმა მისი დატოვება ძალიან რთულია. მაგრამ თუ ხუან მატას სათადარიგოზე დავაყენებ, შემდეგ მეტყვით რომ მისი გაგდება მინდა. თუ მარსიალს არ ვათამაშებ, ის კრიზისშია, ეშლი იანგის უთამაშებლობაზე კი დაწერთ, რომ მე ის არ მომწონს. ასეთია სამწუხარო რეალობა დღევანდელ საფეხბურთო მედიაში" - აცხადებს მოურინიო.