"იუნაიტედის" კაპიტანმა, უეინ რუნიმ "ჰალ სიტისთან" მატჩის წინ, ვარჯიშის დროს განაცხადა, რომ მოთამაშეები ჟოზე მოურინიოს მეთოდებს ეგუებიან, რომელიც მიზნად ხვალინდელ მატჩში გამარჯვებას ისახავს.

MUTV-სთან საუბრისას, "KCOM სთედიუმზე" გასამართი მატჩის წინ, რუნიმ განაცხადა, რომ ერთმანეთს ორი ისეთი გუნდი დაუპირისპირდება, რომლებმაც სეზონის დასაწყისში შესაძლებლობების მაქსიმუმი გააკეთეს.

"რა თქმა უნდა, ყველა განსხვავებულია. ყველა მწვრთნელს აქვს თამაშისთვის მზადების განსხვავებული ხერხი, ვარჯიშისა და თამაშის სხვადასხვა გზები.

ჩვენ, როგორც მოთამაშეებმა, მწვრთნელის დავალებები უნდა შევასრულოთ და უნდა ვეცადოთ მენეჯერის გეგმები მოედანზე გადატანას.

სწორედ ეს არის, რასაც ჩვენ ვცდილობთ რომ გავაკეთოთ, საბედნიეროდ, სეზონი ძალიან კარგად დავიწყეთ. ამ კვირას კარგად ვემზადებით და ვიმედოვნებ, რომ ეს ასეც გაგრძელდება. რა თქმა უნდა, ყოველ მატჩში ცდილობ მაქსიმუმის გაკეთებას და მოგებას.

ამ სეზონში ჩვენ ნამდვილად, ნამდვილად კარგი შენაძენები გვყავს. ისინი აქ ძალიან სწრაფად დამკვიდრდნენ და თქვენ ნახეთ გავლენა, რომელიც მათ მოედანზე მოახდინეს. იმედი მაქვს, რომ ისინი და სხვა მოთამაშეები ამის კეთებას გააგრძელებენ. თუ ჩვენ ამას შევძლებთ, ჩვენ ნამდვილად კარგი სეზონი გვექნება,"

"ჰალ სიტისთან" მატჩის წინ, რუნიმ "ვეფხვების" მთავარ მწვრთნელ, მაიკლ ფელანზე ისაუბრა, რომელიც ადრე სერ ალექს ფერგიუსონის თანაშემწე იყო, რომელთან ერთადაც რუნი წლების განმავლობაში მუშაობდა:

"ის სერ ალექსთან და ჩვენთან ძალიან დიდი ხანი მუშაობდა. "ჰალმა" სეზონი ძალიან კარგად დაიწყო და დარწმუნებული ვარ, რომ თუ ის ამ გუნდს დიდი ხნის განმავლობაში გაწვრთნის, კარგ შედეგსაც აჩვენებს,"

წყარო: ManUtd.com