"მანჩესტერ იუნაიტედის" ყოფილმა მცველმა, ჟერარ პიკემ განაცხადა, რომ მიუხედავად პეპ გვარდიოლას გადაწყვეტილებისა იგი "წითელი ეშმაკების" გულშემატკივრობას აგრძელებს.
პიკე "ოლდ ტრაფორდზე" 2004 წელს მოვიდა და კლუბში 32 შეხვედრა ჩაატარა, რის შემდეგაც პეპ გვარდიოლამ იგი "ბარსელონაში" დააბრუნა, მიუხედავად ამისა ესპანელი ყოფილ კლუბს კვლავ ქომაგობს.
"პეპსა და "იუნაიტედს" შორის, მე უკანასკნელს ვირჩევ,"-განაცხადა პიკემ Marca-სთან ინტერვიუში.
"ოლდ ტრაფორდზე" რამდენიმე საოცარი წელიწადი გავატარე და "იუნაიტედს" მეორე სახლად ყოველთვის ვთვლიდი.
"წითელ ეშმაკად" ყოველთვის ვრჩები, მიუხედავად იმისა, რომ "სიტის" ვაკვირდები, რადგან იქ თამაშობს ბევრი ისეთი ადამიანი, რომელსაც კარგად ვიცნობ. იქ მუშაობს ჩიკი ბერიგისტაინი, რომელმაც ჩემს "ბარსელონაში" გადასასვლელად დიდი როლი ითამაშა, ასევე "სიტიში" თამაშობენ ჩემი თანამემამულეები: ხესუს ნავასი და დავიდ სილვა,"