The Independent-ის მიერ გავრცელებული ინფორმაციის თანახმად, ესპანეთის სასამართლომ დავიდ დე ხეასა და ესპანეთის ნაკრების კიდევ ერთი ფეხბურთელის წინააღმდეგ საქმე დახურა.
შეგახსენებთ, რომ ევრო 2016-ის დაწყებამდე 25 წლის ქალმა სექსუალური სახის ძალადობაში რამდენიმე ფეხბურთელს დასდო ბრალი, რაც ,სავარაუდოდ, 2012 წელს მოხდა. თუმცა გამოძიების ჩატარებისა და "მსხვერპლის" სიმართლეში დიდი ეჭვის შემდეგ, პოლიციამ საქმე დახურა. გამოძიებით ფეხბურთელთა წინააღმდეგ, ფაქტობრივად, არანაირი სამხილი არ იყო ცნობილი, რომლის წარმოდგენაც სასამართლოზე შეიძლებოდა. გამოძიების პროცესში ასევე გამოჩნდა ის, რომ დაზარალებულს მხოლოდ საკუთარი ისტორიის ესპანურ გაზეთებში გამოქვეყნება სურდა.
აღსანიშნავია, რომ დავიდ დე ხეამ ბრალდება სპეციალურ პრესკონფერენციაზე ჯერ კიდევ ივნისში უარყო: "მინდა, რომ ეს ტყუილი უარვყო. პირველი ვიყავი, ვინც ამ პუბლიკაციით გავოგნდი. ეს არის ტყუილი. საქმეს ჩემს ადვოკატებს გადავცემ,"
გამოძიების მიმდინარეობისას დე ხეა არც ერთხელ არ დაუკითხავთ.