"იუვენტუსის" ლეგენდარულმა კიპერმა, ჯანლუიჯი ბუფონმა განაცხადა, რომ პოლ პოგბას საკუთარი სათამაშო სტილისგან გამომდინარე, შეუძლია მსოფლიოში ერთ-ერთი საუკეთესო ნახევარმცველი გახდეს.

"თუ პოგბას გაუმართლებს, ის ზიდანისა და პლატინის დონის გახდება. ეს ბიჭი მოედანზე ნამდვილი მეომარია, რის გამოც ის ასეთ ტალანტს ფლობს. ის, თუ როგორ აკონტროლებს ბურთს და როგორ გადაჰყავს გუნდი დაცვიდან შეტევაში, ჩვეულებრივი არ არის. ჩვენთვის ასეთი ფეხბურთელის დაკარგვა ძალიან მძიმეა.

ფეხბურთელების ლეგენდარულ მოთამაშეებთან შედარება ყოველთვის ჩვეულებრივი არ არის, მაგრამ პოლის თამაშში პლატინისა და ზიდანის თამაშის დეტალების ამოცნობა შეიძლება.

ეჭვიც არ მეპარება იმაში, რომ პოლი პრემიერ ლიგაში წარმატებებს მიაღწევს. შესაძლოა, მას ადაპტაციისთვის ცოტა დრო დასჭირდეს, მაგრამ ვფიქრობ, ის წარმატებული იქნება და იცნობს კლუბს, რაც უფრო კარგია.

მიუხედავად ამისა, ყველაზე მთავარი ვარჯიშისა და მატჩის დროს საქმისადმი მისი ასეთი საოცარი დამოკიდებულებაა. ჩვენ იგი ძალიან მოგვენატრება, რადგან პოლს გუნდის ყველა წევრთან ახლო ურთიერთობა ჰქონდა,"-აცხადებს იტალიელი მეკარე.

წყარო: ManUtd.ru