"მანჩესტერ იუნაიტედის" ახალგაზრდა ფორვარდი, ჯეიმს უილსონი იჯარის წესით "დერბის" შეუერთდა. 20 წლის ფორვარდმა "მანჩესტერ იუნაიტედის" პირველ გუნდში 20 შეხვედრა ჩაატარა და 4 გოლის გატანა მოახერხა. მისი დებიუტი 2013/14 წლის სეზონში "ოლდ ტრაფორდზე" შედგა, სადაც ახალგაზრდა ინგლისელმა 'ჰალ სიტის" ორი გოლი გაუტანა.
უილსონი გუნდს ამ ზაფხულს დაუბრუნდა, თუმცა როდესაც გუნდში ზლატან იბრაჰიმოვიჩი, უეინ რუნი, ენტონი მარსიალი და მარკუს რეშფორდი ირიცხებიან, ახალგაზრდა ფორვარდისთვის ძირითადში მოხვედრის შანსები ძალიან მცირეა.
"მოხარულნი ვართ, რომ ჯეიმსი ჩვენთანაა, იმედი მაქვს, ეს შეთანხმება ორივე მხარისთვის სასარგებლო იქნება. მინდა მადლობა გადავუხადო "მანჩესტერ იუნაიტედს", რადგან უილსონს ჩვენთან თამაშის ნება დართო. ის ენერგიული ფეხბურთელია, რომელიც ჩვენს შეტევას ახალ შესაძლებლობებს შესძენს" - განაცხადა "დერბის" მთავარმა მწვრთნელმა.