გუშინ პრემიერ ლიგის მე-2 ტურის პირველი შეხვედრა "ოლდ ტრაფორდზე" გაიმართა, სადაც ადგილობრივმა "იუნაიტედმა" "საუთჰემპტონს" უმასპინძლა.

"წითელი ეშმაკების" ახალწვეულმა, ზლატან იბრაჰიმოვიჩმა ზედიზედ მეორე მატჩში მოუტანა გუნდს გამარჯვება. შვედმა ამჯერად დუბლის შესრულება მოახერხა. პირველი გოლი რუნის ჩაწოდების შემდეგ თავური დარტყმით გაიტანა, მეორე კი შოუს წაქცევისთვის დანიშნული თერთმეტმეტრიანი ზუსტად გამოიყენა.

მოურინიომ "იუნაიტედის" მწვრთნელის რანგში პირველი 3 ოფიციალური მატჩი ჩაატარა და სამივეში გამარჯვება იზეიმა. აღსანიშნავია, რომ ბოლო 79 წლის მანძილზე პორტუგალიელი მწვრთნელი პირველია, რომელმაც ეს შეძლო.

2 ტურის შემდეგ პრემიერ ლიგის ცხრილის სათავეში კვლავ "მანჩესტერ იუნაიტედი" ლიდერობს. შესრულებული დუბლის შემდეგ ბომბარდირთა დავაში "წითელი ეშმაკების" შვედი ფორვარდი, ზლატან იბრაჰიმოვიჩი დაწინაურდა.