მოგეხსენებათ, უკვე რამდენიმე დღეა, რაც გაზეთები "მანჩესტერ იუნაიტედის" ახალ სამიზნეზე წერენ. გამოცემათა ინფორმაციით, ახალგაზრდა ფეხბურთელს ჟოზე მოურინიოსთან კონტაქტი უკვე ჰქონდა. ამის საპასუხოდ, "ანდერლეხტის" 19 წლის ბელგიელმა ნახევარმცველმა, იური ტილემანსმა კომენტარი გააკეთა და განაცხადა, რომ მას პორტუგალიელ სპეციალისტთან არანაირი კავშირი არ ჰქონია.
"მოურიონსთან კავშირი არასდროს მქონია,"-განუცხადა ახალგაზრდა ბელგიელმა კლუბის ოფიციალურ ვებგვერდს.
"ყველა, ვინც ამაზე წერს, უბრალოდ ცრუობს. მე მისტერ მოურინიოს, ისევე როგორც სხვა მწვრთნელებს, დიდ პატივს ვცემ, თუმცა მას ჩემთვის არასდროს დაურეკავს.
ამჟამად მე ჩემს კარიერაზე ბოლომდე ვარ გადართული და ხუშთაბათს გასამართ ევროპის ლიგის მატჩს მოუთმენლად ველი,"
ტილემანსი "ანდერლეხტის" აღზრდილია და პირველ გუნდში 16 წლიდან თამაშობს. 3 სეზონის განმავლობაში იურიმ 132 შეხვედრა ჩაატარა და 17 გოლი გაიტანა. 2013 წლის 2 ოქტომბერს ის გახდა ჩემპიონთა ლიგაზე მოასპარეზე ყველაზე ახალგაზრდა ბელგიელი.