"მანჩესტერ იუნაიტედი" მზად არის გუნდის 31 წლის ინგლისელი ვინგერი, ეშლი იანგი დაუყოვნებლივ გაყიდოს.
როგორც The Guardian იუწყება, იანგის კანდიდატურას პოტენციური ახალწვეულის თვალსაზრისით განიხილავს "კრისტალ პალასის" მთავარი მწვრთნელი, ალან პარდიუ, რომელმაც ერთი დღით ადრე ძირითადი ვინგერი, იანიკ ბოლასი დაკარგა.
წყაროს მიერ გავრცელებული ინფორმაციის თანახმად, კლუბმა "სელჰესტ პარკიდან" მანჩესტერელებს უკვე გაუგზავნა წინადადება 31 წლის შემტევის იჯარის თაობაზე, მაგრამ "იუნაიტედისგან" "არწივებმა" უარი მიიღეს.
"წითელი ეშმაკები" იანგის დროებით გაშვებას არ აპირებენ და სურთ ფეხბურთელი სამუდამოდ გაყიდონ. მოგეხსენებათ, იანგი "ოლდ ტრაფორდზე" 2011 წლიდან ასპარეზობს.