კვირის ორი მატჩიდან ”იუნაიტედის” სასურველი შედეგი მხოლოდ ერთში დაფიქსირდა.ამის მიუხედავად, განვლილ უქმეებს პატრის ევრა დადებითად აფასებს.წითლებთან 2-1 გამარჯვების შემდეგ, ფრანგმა განაცხადა, რომ ვერ უყურა ”არსნალის” თამაშს ”სიტის” წინააღმდეგ, რადგან ეს თამაში ”ოლდ ტრაფორდზე” გამართული შეხვედრის შემდეგ მალევე დაიწყო.”ცისფრებმა” ადვილად მოიგეს.თამაშის საწყის წუთებში მსაჯმა ”მეთოფეთა” მცველი, ლორან კოშელნი გააძევა მოედნიდან, მატჩის ბოლო კი წითელი ბარათი უკვე რობერტო მანჩინის გუნდის წევრს, ვინსენტ კომპანის აჩვენეს.
”მე არ მიყურებია წელს ”სიტის” თამაშისთვის, რადგან ჩვენი შეხვედრის დროები ხშირად ემთხვევა ერთმანეთს.წინა წელს ვიყავით ძალიან დამოკიდებულნი თანაქანაქელთა თამაშებზე, რაც ჩემი აზრით, მათ ეხმარებოდათ წარმატებების მიღწევაში.წელს ასეთ მდგომარეობაში უკვე ”იუნაიტედია” რაც ძალიან მახარებს.”
ევრამ ორივე გოლის მომენტში მიიღო მონაწილეობა, მეტიც გააკეთა ორი ასისტი.პირველად მან რობინ ვან პერსის გაატანინა, როდესაც კარგი გადაცემა გაუკეთა.შემდეგ კი სწორედ ჰოლანდიელის ჩაწოდების დროს მან ბურთს თავი დაარტყა, რომელიც ნემანია ვიდიჩს მოხვდა და პეპე რეინას კარში გავიდა.
”ვიდამ მითრა, რომ ეს ჩემი გოლია.-ამბობს პატრისი-ვფიქრობ, თუ ჩემს ნაცვლად რომელიმე ფორვარდი აღმოჩნდებოდა ასეთ სიტუაციაში, მას ჩაუთვლიდნენ გოლს, მაგრამ რადგან ეს იყო ევრა, მას არ ჩაუთვალეს ბურთი.”
ყველაფრის მიუხედავად, ევრა მაინც მოხარულია გამარჯვებით და არ დარდობს ამის შესახებ.”შვიდი წელია ”იუნაიტედში” ვთამაშობ და ლივერპულთან გამარჯვება ყოველთვის ძნელია.ჩვენ ადვილად არასდროს მოგვიგია.მაგრამ როდესაც მოიგებ, გეუფლება არაჩვეულებრივი განცდა.”