გუშინ პრემიერ ლიგის პირველი ტურის შეხვედრაში "ბორნმუთმა" "მანჩესტერ იუნაიტედს" უმასპინძლა. მოურინიოს გუნდმა მასპინძლები თავიდანვე მკაცრ მარწუხებში მოაქცია. პირველი გოლი ტაიმის მიწურულს გავიდა, ხუან მატამ "ბორნმუთელთა" საჩუქარი გამოიყენა და "იუნაიტედის" სეზონის პირველი გოლი გაიტანა.
მეორე ტაიმის დასაწყისში უპირატესობას სტუმრები დაეუფლნენ, რაც 59-ე და 64-ე წუთებზე გატანილი გოლებით დასრულდა. თავი უეინ რუნიმ და ზლატან იბრაჰიმოვიჩმა გამოიჩინეს. "ბორნმუთმა" ერთი გოლი 69-ე წუთზე გაქვითა. მოურინიოს გუნდმა სეზონი გამარჯვებით დაიწყო. აღსანიშნავია, რომ "განსაკუთრებული" პრემიერ ლიგის გახსნით მატჩში არასდროს დამარცხებულა.