მოურინიოს განცხადებით, ბელგიელ შემტევს აქვს მომავალი კლუბში და "სანდერლენთან" იჯარის ხელშეკრულების ამოწურვის შემდეგ, ადნანი ისევ "ოლდ ტრაფორდზე" დაბრუნდება.

21 წლის შემტევი დათანხმდა შეუერთდეს "სანდერლენდს", ერთ წლიანი იჯარის წესით, შემდეგ კი, უკან "იუნაიტედში" დაბრუნდეს.

ადნანი იმუშავებს "იუნაიტედის" ყოფილი მთავარი მწვრთნელის, დევიდ მოიესის ხელმძღვანელობის ქვეშ, "სტედიუმ ოფ ლაითზე", სადაც მას დახვდებიან ამ კვირას გადასული ორი ყოფილი "მანჩესტერელი", დონალდ ლავი და პედი მაკნაიერი.

მოურინიო ამტკიცებს, რომ უახლოეს მომავალში, ადნანი აუცილებლად დაბრუნდება "ოლდ ტრაფორდზე".

"ადნანი ჩემს გეგმებში შედის, ჩვენ ვფიქრობთ მასზე და ვთვლით, რომ ნიჭიერი ფეხბურთელია. სწორედ ამიტომ გავანათხოვრეთ ადნანი პრემიერ ლიგის გუნდში."-განაცხადა მოურინიომ პარასკევს გამართულ პრესკონფერეციაზე.

"მე მინდა მისთვის ყველა პირობა იყოს, რადგან იგი განვითარდეს და პროგრესი განიცადოს, იმედია ყველაფერი კარგად ჩაივლის და ახლო მომავალში უკან დავაბრუნებთ ადნანს."

"ადნანი არის, იმ პოზიცისს მოთამაშე, სადაც ჩვენ გვყვავს: ენტონი მარსიალი, ჰენრიხ მხითარიანი, ხუან მატა, ეშლი იანგი და მემფის დეპაი."

"არ შეიძლება ვიყოთ ეგოისტები და უნდა ვიფიქროთ საკუთარ ფეხბურთელებზე, ამ შემთხვევაში ადნანზე. მე მსურს მას ყველა პირობა ჰქონდეს იმისათვის, რომ განვითარდეს, უნდა ითამაშოს კარგად და პროგრესი განიცადოს.

ჩვენ ადნანს ყოველ კვირას ვიხილავთ პრემიერ ლიგაში და შეგვიძლია თვალი ვადევნოთ.

ახლა ის არის სწორ ადგილზე, მენეჯერთან, რომელსაც ძალაინ უყვარს ადნანი. ასე რომ იმედია ყველაფერი კარგად წავა ადნანისთვისაც და ჩვენთვისაც, რადგან მომავალში მისი უკან დაბრუნება მსურს,"-აცხადებს პორტუგალიელი

ადნან იანუზაიმ გასული სეზონის პირველი ნახევარი გაატარა "დორტმუნდში" იჯარით წესით, მისი სრული დებიუტი "იუნაიტედში" დევიდ მოიესის ხელმძღვანელობის დროს შედგა, 2013 წლის ოქტომბერში "სანდერლენდთან" სტუმრად გამართულ შეხვედრაში. ის შეხვედრა ადნანისათვის ტრიუმფალურად დამთავრდა, მან დუბლის გაფორმება მოახერხა და "იუნაიტედს" 1-2 მოაგებინა.

წყარო: Goal.com