პოლ პოგბა "მანჩესტერ იუნაიტედის" რიგებში "ბორნმუთის" წინააღმდეგ პრემიერ ლიგის სეზონის პირველ მატჩში მონაწილეობას ვერ მიიღებს. ფრანგმა ნახევარმცველმა ყოფილი კლუბის, "იუვენტუსის" რიგებში ჩატარებულ უკანასკნელ შეხვედრაში ყვითელი ბარათი მიიღო და მომდევნო მატჩს გამოტოვებს.

პოგბას ტრანსფერი ოფიციალურად სამშაბათს დადასტურდა, თუმცა შემდეგ ოფიციალურად გაირკვა, რომ 21 მაისს კოპა იტალიის ფინალში "მილანის" წინააღმდეგ მატჩში მიღებული ყვითელი ბარათის გამო იგი მომდევნო შეხვედრას გამოტოვებდა.

საფეხბურთო ასოციაციის მიერ დადგენილი წესით, დისკვალიფიცირებულ მოთამაშეზე, მიუხედავად მისი სხვა ქვეყნის ჩემპიონატში გადაბარგდებისა, აკრძალვა ძალაში მაინც რჩება.

დღეს, "ბორნმუთთან" მატჩის წინ, ჟოზე მოურინიომ პრესკონფერენცია გამართა, სადაც მან პოგბაზე დასმულ შეკითხვას უპასუხა.

"მე არ ვსაუბრობ მის(პოგბას) შესახებ. ის დისკვალიფიცირებულია და მე დისკვალიფიცირებულ ან ტრავმირებულ ფეხბურთელებზე არ ვსაუბრობ. ვლაპარაკობ მათ შესახებ, ვინც სათამაშოდ მზად არიან. ასე რომ, პოლი რამდენიმე დღით უნდა დავივიწყო. "საუთჰემტპტონთან" მატჩისთვის ის მზად იქნება.

მესმის ყვითელი ბარათების შესახებ სიტუაცია, მაგრამ არ ვიცოდი, რომ ყვითელი ბარათების დაგროვებას დისკვალიფიკაცია მოჰყვებოდა. ასევე არ ვიცოდი, რომ აქ იტალიური ფეხბურთის მსგავსი იქნებოდა, სადაც არის მსგავსი კონკურსი - ინგლისის თასის პირველი მატჩი. მე ველოდებოდი გადაწყვეტილებას და ორი დღის წინ გავარკვიე ის ,"-განაცხადა ჟოზემ.

წყარო: ManUtd.com