The Daily Mail-ის ინფორმაციით, "მანჩესტერ იუნაიტედის" ახალგაზრდა მცველი, ტიმოთი ფოსუ-მენსა კლუბთან ახალ, გრძელვადიან ხელშეკრულებას დათანხმდა. მოსალოდნელია, რომ გარიგება მომდევნო რამდენიმე დღეში დასრულდება.
მიუხედავად იმისა, რომ გუნდი უკვე ბევრმა ახალგაზრდა ფეხბურთელმა დატოვა, 18 წლის ჰოლანდიელი მოურინიოს გეგმებში შედის და პორტუგალიელი მის შენარჩუნებას აპირებს.
მოგეხსენებათ, ფოსუ-მენსას დებიუტი პირველ გუნდში თებერვალში, "არსენალის" წინააღმდეგ მატჩში შედგა, როდესაც ჰოლანდიელი მოედანზე როხოს ნაცვლად შემოვიდა. ჰოლანდიელმა ლუი ვან გაალის ხელმძღვანელობით 10 შეხვედრა ჩაატარა. ასევე, მან ინგლისის თასის ნახევარფინალურ მატჩშიც მიიღო მონაწილეობა.