პოლ პოგბა ახლახან სამედიცინო შემოწმებისა და 89 მილიონიანი ტრანსფერის დასასრულებლად მანჩესტერში ჩავიდა.
23 წლის ნახევარმცველი ნიცას აეროპორტიდან ადგილობრივი დროით 9:15 საათზე პირადი თვრითმფრინავით გაფრინდა და 11:35 საათზე მანჩესტერის აეროპორტში ჩავიდა.
იგი ამჟამად კლუბის სავარჯიშო კომპლექსზე იმყოფება და მანჩესტერის დროით 13:00 საათზე, ანუ თბილისის დროით 16:00 საათზე გაივლის.
მანჩესტერის აეროპორტის ხელმძღვანელებმა "ტვიტერზე" ასეთ განცხადება გაავრცელეს: "მანჩესტერის აეროპორტში მნიშვნელოვანი მგზავრი დაეშვა. შეუძლია ვინმეს გამოიცნოს თუ ვინ შეიძლება იყოს ის?"
გუშინ, "იუნაიტედის" ოფიციალურმა ვებ-გვერდმა გაავრცელა ინფორმაცია, რომლის თანახმადაც "წითელმა ეშმაკებმა" "იუვენტუსთან" შეთანხმებას მიაღწიეს და ფრანგი სამედიცინო შემოწმებას ძალიან მალე გაივლიდა.
ქომუნითი შილდის გამარჯვების შემდეგ, მოურინიომ პოგბას ტრანსფერთან დაკავშირებით შემდეგი კომენტარი გააკეთა: "იუნაიტედი" არის შესანიშნავი კლუბი, რომელიც მას სასურველ დონეზე დააბრუნებს.
პრემიერ ლიგა ამისთვის უნაკლო ჰაბიტატია. თუ გსურს, რომ იყო საუკეთესო ფეხბურთელი, არ უნდა წახვიდე "რეალსა" და "ბარსელონაში", რადგან არ ვფიქრობ, რომ კრიშტიანო რონალდო და ლეო მესი ამის საშუალებას მოგცემენ,"