"ლესტერის" წინააღმდეგ გამართული ინგლისის სუპერთასის ფინალში, მატა მოედანზე 63-ე წუთზე გამოვიდა და ზუსტად 30 წუთში მოედანი კვლავ დატოვა.
ამის შესახებ, მოურინიომ ისაუბრა და მატას შეცვლის მიზეზი ვრცლად ახსნა.
"ვიცი, რომ მატას შეცვლით სასიამოვნო რამ არ გამიკეთებია, თუმცა, ის ახლა ბედნიერია. წესების თანახმად ექვსი ცვლილების განხორციელება ნებადართული იყო, ასე რომ თამაშის შეწყვეტა, დროის მოკვლა მსურდა. მე მყავდა კიდევ ერთი ფეხბურთელი, რომელიც უნდა შემეყვანა და გამეცვალა დაბალი მოთამაშე.
მან კარგად ითამაშა და მომცა, რაც მსურდა.
ვიცოდი, რომ იქნებოდა ჩაწოდებები და გრძელი ბურთები, ამიტომ შემადგენლობაში დავაყენე ფელაინი და ზლატანი. მატა კი ძალიან დაბალია.
ის ძალიან გაბრაზებული იყო, მაგრამ შემდეგ ყველაფერი დაივიწყა. ჩვენ მოგება გვსურს და საბოლოო ჯამში ყველა ბედნიერია,"-აცხადებს მოურინიო