ზლატან იბრაჰიმოვიჩმა განაცხადა, რომ ქომუნითი შილდზე გამარჯვების გოლის გატანისა და ტიტულის მოგების შემდეგ თავს საოცრად გრძნობს.

საფინალო სასტვენის შემდეგ, შვედმა ფორვარდმა MUTV-სთან მატჩზე ისაუბრა.

"საოცარია, როდესაც პირველ, ოფიციალურ თამაშში იგებ. აქ რამდენიმე კვირის წინ მოვედი და გუნდთან ერთად უკვე პირველი ტიტული მოვიგე. ვგულისხმობ, რომ ეს არის ის, რისთვისაც ჩვენ ვთამაშობთ.

ჩვენ ტიტულებისთვის ვთამაშობთ და სუპერ გახარებული, სუპერ განცვიფრებული ვარ, გოლის გატანით, მაგრამ უფრო მეტად გამარჯვებით, რადგან ეს გუნდისთვის ტიტულია.

როდესაც შენ მოგება შეგიძლია, ეს უფრო საოცარია, მაგრამ "ლესტერიც" უნდა დავაფასოთ, რადგან მათ კარგად ითამაშეს და ჰქონდათ ფანტასტიკური სეზონი. თქვენ შეგიძლიათ ნახოთ, თუ რამდენად ძლიერი გუნდი ყავთ მათ,"

გამარჯვების მომტანი გოლის გატანის შემდეგ, 34 წლის სუპერვარსკვლავს შეუძლია მომდევნო კვირას გასამართ პრემიერ ლიგის პირველი ტურის მატჩს მოუთმენლად დაელოდოს. ზლატანი დარწმუნებულია, რომ საკუთარი თამაში კვირიდან კვირამდე გაუმჯობესდება, რომელსაც ხელს ახალ თანაგუნდელებთან ერთად საერთო ენის გამონახვა უწყობს.

"მანჩესტერ იუნაიტედში" მოსვლა ძალიან კარგია და ეს სწორედ ამად ღირს. ჩემს ინდივიდუალური შესრულებას ძალიან მალე იხილავთ. ჩვენ ახლა ვიწყებთ და ვაშენებთ ჩემს ფიზიკურ მდგომარეობას და რაც მთავარია თანაგუნდელები ახლახანს გავიცანი.

როდესაც ეს ყველაფერი მოგვარდება, ზოგიერთი რამ ძალიან სწრაფად გაიზრდება და გაუმჯობესდება. შენ უბრალოდ უნდა გამოიყენო შენი დრო და ისიამოვნო. ყველაფერი ავტომატურად ვითარდება. ჩვენ საწყის, გაცნობის სტადიაში ვართ, განსაკუთრებით ჩემს შემთხვევაში. ეს არის ახალი, ჩვენ მოვიგეთ და დარწმუნებული ვარ, რომ კიდევ შეგვიძლია მოვიგოთ,"

წყარო: ManUtd.com