უეინ რუნის საპატივცემულო მატჩი გაიმართა, სადაც ერთმანეთს "მანჩესტერ იუნაიტედი" და "ევერტონი" დაუპირისპირდნენ. შემოსული თანხა, რომელიც წინასწარი გამოთვლებით 5 მილიონი ფუნტი იქნება, მზრუნველობა მოკლებულ და უნარშეზღუდულ ბავშვებს მოხმარდება.
"წითელი ეშმაკების" კაპიტანმა მოედანი 53-ე წუთზე დატოვა და მის ნაცვლად მარკუს რეშფორდი შემოვიდა. აღსანიშნავია, რომ დღეს "იუნაიტედის" სამი ახალწვეულის: ერიკ ბაიის, ჰენრიხ მხითარიანისა და ზლატან იბრაჰიმოვიჩის დებიუტი შედგა "ოლდ ტრაფორდზე".