მიუნხენის "ბაიერნის" აღმასრულებელმა დირექტორმა, კარლ-ჰანც რუმენიგემ განაცხადა, რომ კლუბში "იუნაიტედის" ნახევარმცველის, ბასტიან შვაინშტაიგერის დაბრუნების საკითხის განსახილველად მზად არის. მოგეხსენებათ, მას შემდეგ რაც ჟოზე მოურინიომ გერმანელი ლეგენდა რეზერვისტთა გუნდში გაგზავნა, მისი მომავალი გუნდში საეჭვოა.
"ბასტიანმა საჭირო მომენტში უნდა გვითხრას, გუნდში დაბრუნებასთან დაკავშირებით მის სურვილზე, რის შემდეგ ჩვენ ამ საკითხს აუცილებლად განვიხილავთ,"-აცხადეს რუმენიგე
შვაინშტაიგერის დაბრუნებას გამოექომაგა ბასტიანის ყოფილი თანაგუნდელი, ფილიპ ლამი: "კლუბმა მნიშვნელოვანი ფეხბურთელები უნდა მოიწვიოს. ისეთი ფეხბურთელი, როგორიც ბასტიანია "ბაიერნისთვისაა" განკუთვნილი. მან აქ ყველაფერი იცის,"
შვაინშტაიგერი "ბაიერნის" აღზრდილია და გერმანულ კლუბში იგი 17 წელი თამაშობდა. "რეკორდმაისტერთან" ერთად მან ბუნდესლიგის 8 ტიტული და ჩემპიონთა ლიგა მოიგო.