დღეს "მანჩესტერ იუნაიტედმა" საზაფხულო ტურნეს ბოლო მატჩი გამართა, სადაც "გალათასარაის" დაუპირისპირდა და 2-5 გაანადგურა მეტოქე.

აღსანიშნავია, რომ დღევანდელ მატჩში ზლატან იბრაჰიმოვიჩის დებიუტი შედგა. შვედმა მე-3 წუთზე მოახერხა ბრწყინვალე გოლით დებიუტის აღნიშნა და გუნდის დაწინაურება, თუმცა პირველი ტაიმის მოსაგებად ეს საკმარისი არ აღმოჩნდა, თურქებმა 2 გოლის გატანა მოახერხეს და პირველი ნახევარი 2-1 მოიგეს, ჯერ სინან გიუმუსმა შეაგდო, შემდეგ კი ბრუმას გაატანინა.

მეორე ტაიმის 55-ე წუთზე რუუნიმ ანგარიში გაათანაბრა, ზუსტად 3 წუთში კაპიტანმა თერთმეტმეტრიანის ზუსტად შესრულებით დუბლის გაფორმება და გუნდის დაწინაურება მოახერხა. მეოთხე გოლი შეცვლაზე შემოსული მარუან ფელაინის ანგარიშზეა. მატჩში საბოლოო წერტილი ხუან მატამ დასვა, რომელმაც კერიკის გადაცემით ისარგებლა.