"მანჩესტერ იუნაიტედის" მთავარმა მწვრთნელმა, ჟოზე მოურინიომ "გალათასარაის" წინააღმდეგ 2016 წლის ტურნეს უკანასკნელი შეხვედრის წინ რამდენიმე თემაზე ისაუბრა და განაცხადა, რომ გუნდის მუშაობით კმაყოფილია.

"ფეხბურთელები თავიანთ საქმეში ფანტასტიკურები არიან. ჩვენ რამდენიმე ორმაგი ვარჯიში ჩავატარეთ და არ ვფიქრობ, რომ ბიჭები დღევანდელ მატჩში დაღლილები იქნებიან. შაბათს გასამართი კიდევ ერთ ვარჯიშს მოუთმენლად ველი, რადგან მოთამაშეებს წუთები სჭირდებათ,"

პორტუგალიელმა ბოსმა კრის სმოლინგისა და ტიმოთი ფოსუ-მენსას მცირე დაზიანებებზეც ისაუბრა. მოგეხსენებათ მცველები, დღევანდელი მატჩის განაცხადში ვერ მოხვდნენ.

მოურინიომ დაადასტურა, რომ "იუნაიტედის" ვიცე-კაპიტანი ასევე ძველი ანგარიშების გამო "ლესტერის" წინააღმდეგ ინგლისის სუპერთასის შეხვედრასა და პრემიერ ლიგის სტარტს გამოტოვებს. ინგლისელმა ინგლისის თასის ფინალში წითელი ბარათი მიიღო.

"ფოსუ-მენსას მცირე დაზიანება აქვს, მაგრამ ყველამ უნდა გავამახვილოთ ყურადღება იმაზე, რომ ის ახალგაზრდაა. ის გუნდს დაუბრუნდება მაშნ, როდესაც 100%-ით მზად იქნება.

კრის სმოლინგს გასულ სეზონში მიღებული ტრავმა გაუმეორდა. ჩვენ გავარკვევთ თუ რა ხდება. ტრავმის გარდა ასევე ის დისკვალიფიცირებულია და გახსნით მატჩებში მონაწილეობას ვერ მიიღებს,"-აცხადებს მოურინიო

წყარო: ManUtd.com