"ვალენსიაში" მიღებული წარუმატებელი გამოცდილებისა და ინგლისის ნაკრების თანაშემწის პოსტიდან დათხოვნის შემდეგ, გარი ნევილმა ბედი ბიზნესში სცადა და ორი რამდენიმე მილიონიანი ცათამბრჯენის მანჩესტერში აგების პროექტი წარადგინა.
უფროსი ნევილის გეგმებით, ჯექსონ როუს ქუჩაზე დაინგრევა რამდენიმე ძველი შენობა, რომლის ადგილზეც 21 და 31 სართულიანი ცათამბრჯენი აშენდება. შენობაში განთავსდება 5 ვარსკვლავიანი სასტუმრო და ელიტარული აპარტამენტი, ასევე ახალი სინაგოგა და სამი ახალი სკვერი. პროექტში, რომლის სახელოწოდებაც St. Michael არის, 1300 კაცამდე დასაქმდება.
პროექტის რეალიზაციაში ნევილს მისი მუდმივი ბიზნეს პარტნიორები, რაიან გიგზი და ბრენდან ფლუდი დაეხმარებიან. ინვესტორების მოსაზიდად პროექტს ლეგენდები ჩინეთსა და სინგაპურში გამართავენ.
მოგეხსენებათ, ნევილი და გიგზი სასტუმრო Hotel Football-ისა და რესტორნების ქსელის Cafe Football-ის თანამფლობელები არიან.