27-07-2016, 20:14

ავტორი: Rosso Diavolo,

ნანახია: 1618,

კომენტარები: 10

პარკი: "იუნაიტედს" ზლატანის მსგავსი ფეხბურთელები სჭირდება"

ჯი-სუნგ პარკი "იუნაიტედს" რჩევას აძლევს.

"იუნაიტედის" ლეგენდარულმა ნახევარმცველმა, ჯი-სუნგ პარკმა გუნდის ზაფხულის შენაძენებზე ისაუბრა.

აზიის ყველაზე ტიტულოვანი ფეხბურთელი, შემადგენლობაში ძალიან ხშირად ვერ ხვდებოდა, თუმცა, შრომისუნარიანობითა და ენერგიულობით ყველასგან გამოირჩეოდა. კარიერის დასაწყისში პარკი პსვ-ში იყო და ზლატანის განვითარების საფეხურებს საკუთარი თვალით ხედავდა. ჰოლანდიის ჩემპიონატის გარდა, ისინი ჩემპიონთა ლიგის ეგიდითაც არაერთხელ შეხვდნენ ერთმანეთს, რის გამოც სამხრეთ კორეელი შვედი ფორვარდის ბუნებას ძალიან კარგად იცნობს.

გულშემატკივრები "მანჩესტერის ღმერთის" დებიუტს მოუთმენლად ელიან, თავად პარკს კი სჯერა, რომ შვედი "იუნაიტედს" ძალიან ბევრს შემატებს :

"ვფიქრობ, რომ კლუბს სჭირდება ისეთი ხასიათის ფეხბურთელები, როგორიც ზლატანია. იგი დიდ გამოცდილებას ფლობს და საკუთარი ხასიათის გამოვლენა, როგორც მოედანზე ასევე გასახდელშიც შეუძლია. მისი ყოფნა კლუბში, დიდ გავლენას ახალგაზრდებზეც მოახდენს, რადგან მათ შვედისგან ძალიან ბევრი რამის სწავლა შეუძლიათ,"-აცხადებს კორეელი

წყარო: ManUtd.one

ახალი ამბები, ინტერვიუები

10 კომენტარი