ზლატან იბრაჰიმოვიჩმა განაცხადა, რომ დევიდ ბექჰემმა მას MLS-ში თამაში შესთავაზა და დასძინა, რომ ამ ვარიანტს სამომავლოდ არ გამორიცხავს.
"დევიდი- ჩემი კარგი მეგობარია და მან "მაიამიში" თამაში მთხოვა. ამ მომენტისთვის მე "მანჩესტერ იუნაიტედთან" ერთად დიდი შედეგების მიღწევა მსურს, მაგრამ MLS-ს დიდ პატივს ვცემ და მომავალში ყველაფერია შესაძლებელი.
არ გამოვრიცხავ, რომ კარიერას ამერიკაში გავაგრძელებ. მას შემდეგ, რაც "პსჟ"-ს დატოვება გადავწყვიტე, ძალიან ბევრი შეთავაზება მქონდა, მაგრამ ზლატანისთვის ეს ნორმალურია. ვიცი, რომ ამერიკის ჩემპიონატიდან იყვნენ დაინტერესებულები, თუმცა, "მანჩესტერ იუნაიტედში" ასპარეზობასა და ჩემს კარგ მეგობარ, ჟოზე მოურინიოსთან თამაშზე უარს ვერ ვიტყოდი.
აჟამად, მე "იუნაიტედთან" კონტრაქტი მაქვს და ვგრძნობ, რომ შესანიშნავ ფიზიკურ ფორმაში ვარ და სწორედ ამიტომ MLS-ში გადასვლას არ გამოვრიცხავ. ვგრძნობ, რომ 40 წლამდე თამაში შემიძლია, მაგრამ ჯერჯერობით მომავლის პროგნოზირება შეუძლებელია,"-აცხადებს შვედი
აღსანიშნავია ის, რომ ზლატანი "იუნაიტედის" მაისურით სადებიუტო შეხვედრას "გალათასარაის" წინააღმდეგ მატჩში ჩაატარებს, რომელიც შვედეთში, იბრაჰიმოვიჩის სამშობლოში გაიმართება.